ماذا عن أنوثتك فى العمل؟

745

إمرأة جادة جداً، متجهمة، ترتدى نظارة وملابس تشبه ملابس الرجال، صوتها مرتفع، عصبية.. هكذا تصور لنا الكثير من الأفلام والمسلسلات المرأة العاملة. فهل يجب أن تتخلي عن أنوثتك فى مكان عملك لتصبحي ناجحة وتكوني قادرة على التعامل مع زملائك من الرجال؟ وما معنى “أنوثة” و”رجولة” أصلاً؟ 

شوفي يا سيدتي، بالبلدي كده كل إنسان جواه راجل وست. يعنى إيه؟ أقول لك. الذكورة عبارة عن صفات نفسية، وكذلك الأنوثة. الست جواها صفات أنوثة وكمان صفات ذكورة لكن صفات الأنوثة أكثر طبعاً. ونفس الشئ مع الرجل مع غلبة صفات الذكورة جواه. طيب تعالى نضرب أمثلة عشان نفهم أكتر:

 

الرجل يميل أكثر إلى إدراك الصورة الكلية فى حين أن المرأة تهتم أكثر بالتفاصيل الدقيقة التى قد تقلب الموازين. 

 

الرجل يميل أكثر إلى المبادرة والإقدام دون خوف أو تردد، أما المرأة فتميل أكثر إلى الاستماع والتروي. 

 

الرجل عملي يهتم بالإنجاز وقول الصراحة دون خوف أو مواربة، أما المرأة فتتسم بالحنان ومراعاة البدايات الصغيرة والصبر على من ينتكس.  تخيلى كده لو الراجل مفيش جواه أنوثة خالص: هيبقى جاف أوى، ومتهور، ..الخ.

تعرفي على: صحة المرأة: 10 حاجات لازم تعمليها عشان نفسك

 وتخيلي لو الست مفيش جواها أى صفات ذكورة: هتبقى مش مركزة خالص هى رايحة فين لأنها غرقانة فى التفاصيل، هتبقى سلبية وواقفة مكانها، وهيبقى مفيش أى حزم خااالص.

 نيجي بقى للشغل: يا ترى عشان تكوني ناجحة فى شغلك لازم تبقى راجل؟ أبداً والله. أنتِ دلوقتِ عرفتِ السر، عرفتِ أن جواكِ راجل وجواكِ ست.

كل ما تتحطي فى موقف، فكري كده الموقف ده محتاج راجل ولا ست؟

محتاج حزم ولا تفهم وصبر؟

محتاج اهتمام بالتفاصيل ولا بالصورة الكلية؟

محتاج مبادرة ومخاطرة ولا محتاج تفكير عميق وتروي؟

فى موقف هتطلعي الرجل اللى جواكِ وفى موقف تاني هتطلعي الست، وفى موقف تالت هتعملي زى ما بتعملي فى الأكل هتطلعي الاتنين بالمقادير المناسبة على حسب ما الموقف محتاج بس خلي بالك عشان الطبخة ماتبوظش منك! —-

المصدر

الفروق بين الذكورة والأنوثة من كتاب “صحة العلاقات”

المقالة السابقةفي الأبوة فراغ نحافظ عليه
المقالة القادمة365 يوم أمومة

ترك الرد

الرجاء إدخال تعليقك!
الرجاء إدخال اسمك هنا