الرئيسية من نحن

من نحن

“نون” هي ملاذ أمن للستات، مساحة حرة عشان يعبروا عن نفسهم وأحلامهم ببراح. مشروع ” نون” واحد من مشروعات جمعية الفن للتنمية، وهدفه دعم الستات نفسيًا، ومساعدتهم على تطوير مهاراتهم عشان يقدموا الأفضل لنفسهم وللمجتمع.

في “نون” بنؤمن أن كل ست من حقها تحكي، وتتسمع، وتدون حكايتها.

من حقها تلعب، وتبكي، وتفضفض بحرية من غير قلق من أي أحكام أو وصم.

في موقع “نون” بنقدم مقالات وتدوينات بتمس حياة المرأة وبتناقش مشاكلها وقضاياها، وبتعبر عن أفكارها وتجاربها الذاتية بكتابة تدوينية لها طابع شخصي وحميمي.

و بنقدم للستات ورش وفعاليات على أرض الواقع زي ورش ” أحكي يا نون” للمساندة النفسية بالحكي مع الرسم والدراما في 5 محافظات مصرية، وورشة لإدارة الضغوط النفسية للمطلقات، وورش لدعم الأمهات، وأنشطة تانية زي ” اللمة الحلوة” و “ميكروفون نون” و “سينما نون” عشان تعيشي تجربة جديدة، وتتحرري من كل الضغوط اللي بتقابليها في حياتك.

في “نون” بنؤمن إن تقديم الدعم للرجل مهم زي الست، لأن الاتنين شركاء في الحياة، وشركاء في خلق مجتمع أفضل ليهم ولأولادهم. فبنقدم له ورشة المساندة النفسية للرجل، لرفع قدرته على إدارة الضغوط اللي بيقابلها في حياته بشكل إيجابي.

“نون” هى حضن واسع، بيت كبير.. عيلة أنتِ فرد مهم ومؤثر فيها. عيلة مؤمنة بكِ وبحكايتك.

“نون”.. نحلم.. نسند.. نكون.

أُضيف حديثاً